Pihu's path in life

Dharamshala

                                                                         Title: Pihu’s path in life 

Pihu ek aam si middle class family me pali badi ladki or apne ghr ki ikloauti thi . vo apne maa baap se khush thi kyunki  unhone uske liye bahut kuch kiya hai pr fir bhi kahi na kahi ek khwaahishon ka pitaara tha uske mann me jo  kabhi pura nahi ho paya.

Shayad Uska bachpan dusron jitna achha nahi tha . shayad use bhi vo gudiya chahiye thi jo sab ladkiyon ke paas thi , shayad use bhi vo pehli cycle  chahiye thi jise sab bachhe shaam ko galli mei chalaate the .

Par in sab ke baavzood bhi vo khush thi ,kyunki shayad tab itni samjh bhi nahi thi . Bs isi tarh pihu ki zindgi bahut aaram se chal rahi thi . Uske papa use  har Sunday ghumaane le jate the ,uski mummy use har din bde pyaar se khana khilati thi or apni daadi  maa ki ladli  gudiya to  thi hi vo.

Sab zarurtein puri hoti thi par apne shok pure karne ki khwahishein bhi thi uski aankon mein . Pdhaai mein  pihu  average thi kabhi kbhi to points pe paas hoti thi.

Apne parents ki expectations nahi puri kr pati thi par han paas hoke dilasa zrur de deti thi.

Jese tese  usne 10th to kr li . 11th  me bhi apni kisi dost ko dekh ke le liya non-medical or ho gyi paas, or ab bari thi 12th ki , vo stage jab shayad har  bachhe ko ye nahi pta hota ki ab  aage kya krna hai .

Uske class ke sabhi bachhe jab class me ye discuss karte the ki mei engineering karunga , MBBS karunga . Tab pihu shayad us class me akeli hoti thi  jise shayd ye baatein samjh tak bhi nahi aati thi ..

Vo har baar ye soch kar, yeh  baat taal hi deti thi ki fir kabhi sochenge .

12th bhi usne girte pirte clear kr  hi li. Ab use bhi future ki thodi tension hone lagi ki kuch to karna hi pdega. Uske sbhi dost bahut ache parivaron se the ,kuch abroad chle gye to kuch ne top universities me admission le li, or reh gyi peehu akeli apne us chote se shehr mein. Uske mmy papa ne bhi use bol diya ki kr jo karna hai kar pr isi shehr me kynki bahar bhejne ki unke abhi halaat nahi the. To pihu ne bhi paas ka college join kr liya or BA me admission le li.

College ki classes kuch hi dino me shuru ho gyi pihu kisi ko nahi janti thi vhaan , or vo kisi se jyada baat bhi nahi karti thi.College ka environment uske liye bahut alag tha. Vo bs ghr se college or college se ghr jati thi . jab bhi use koi kahi ghumne ke liye bolta to vo mna kr deti thi, kyunki use pta tha ki agar ghar me paise maang lie to mil to jaayenge pr fir kuch din uske papa pedal hi kaam pr jayenge. 

Bas har din ki isi routine se thak kr ek din pihu college se aate hue paas ke hi ek park me beth gyi ,or sochne lagi ki uski zindgi kitni boring hai . Har  baar use kuch krne ya kahin jane se pehle hmesha sochna pdta hai. Vo bolne lagi ki “meri zindgi sabse mushkil hai,  kaash meri zindgi bhi dusron ki tarah hoti” 

 

Pihu is soch m doobi hi thi tbhi use ek  aawaaz sunai di “didi 10 rupay de do”

Pihu ne jb peeche mud ke dekha to ek choti si ladki thi. Dekhne me  9-10 saal ki to lag hi  rahi thi .uske pairon me chappal nahi thi pr chehre pe ek pyaari si muskaan thi . veh pihu ko dekh ke boli “didi, akele kyun bethi ho? Tumhari bhi meri trh koi dost nahi hai kya?”

Pihu thodi der  tak to use dekkhti hi reh gyi .Baad mein  pihu ne us choti ladki se bola ki” nahi nahi esa nahi hai , mein to bas yun hi bethi hun.vo hwaa achi chalti hai na yhaan “

Itne me hi veh ladki fir pihu se pese maangne lagi . pihu use pese dena to chahti thi pr bechari khud badi mushkil se guzara krti thi. Pihu kisi ko btati nahi thi ki uske paas nahi hain .Isiliye usne bhana lga ke bol diya ki mera purse gum ho gya hai .

Itne me hi us choti si ladki ne apni jeb me hath dala or ek purana sa 20 rupay ka note nikala or pihu ko dete hue boli ki “didi ye lelo aapko zrurat hogi”.

Pihu ko tb kuch samjh nahi aaya ki vo ldki uski madad kyun kar rhi thi jbki uske pas khud khane tk ke liye bhi pese nahi the .Tab pihu ne usse puch hi liya ki tum meri madad kyun kar rhi ho?

To veh boli ki didi ye to bas ek kagaz ka tukda hai,hn zrurtein puri to kar deta hai pr khush rehne ke liye zruri nahi hai.

Pihu tb sochne lagi ki yeh to abhi bachhi hai, ise pta nahi hai abhi kuch ,shayad tbhi esa bol rahi hai.

Pihu ne us ladki se uska naam pucha to usne apna naam sapna btaya. Fir pihu ne sapna se pucha ki tum rehti khaan ho?

To boli kabhi park me kabhi bus stand to kabhi dusri jgh chli jati hun . jab sapna 7 saal ki thi tb uski maa use yhin chhod gyi thi tab se sapna akeli hi idhr udher  bhatkti thi. Pihu ye ab sun ke chounk gyi , ki iske pas na ghr hai na maa baap ka saaya hai na pehn ne ko ache kapde na pairon me chappal   fir bhi yeh khush hai .


Pihu ye sab soch hi rahi thi ki itne me sapna aasmaan me patango ko dekh ke unke peeche bhaagne lagi.

 

Jate jate sapna ne muskurate hue pihu se kaha ki  “didi me chalti hun, tum jyada mat socho vrna zindgi soch me hi khatam ho jayegi “

Pihu usse kuch nahi keh payi .. shayad uske paas kuch tha bhi nahi jo vo keh sakti thi.

Kyunki vo abhi bhi soch me thi ki koi kese bina doston ke bina sukh suvidha ke khush reh sakta hai .

Us din se pihu ne apne zindgi jeene ka tareeka badal diya tha vo ab vhi sab karti thi jo use acha lagta tha ,jisme use Khushi milti thi .

Ab na pihu ko khud se shikaayat thi na apne parents se . usne sab kuch accept kr liya tha isse uski zindgi bahut aasaan ho gyi thi or khush haal bhi.Pihu ne bahut kuch achieve kr liya tha ab zindgi mein .

Shayd har kisi ki zindgi me ek turning point aata hai ya koi shaqsh aata hai jo uski zindgi ya zindgi jeene ka tarkeeka badal jata hai . sapna bhi shayad vhi shaqs thi pihu ki zindgi mein.

Pihu ab samajh gyi thi ki zindgi ek ajeeb or khoobsurat safar hai to iski shikayat krne ki vjaaye hmein zingi jeeni chaiye. 

Ese experiences sabhi ke liye alag hote hain jese is story me pihu ka sapna se milna or zindgi ki gehraai  ko samjhna tha . vese hi hmein bhi life me apna sara time isi soch me nahi bitana chahiye ki mere paas ye nahi hai von ahi hai iske alava hmare paas jo bhi hai us se khush rehna chaiye or apne goals ke bare me sochna chahiye or use pura krne ki koshish krni chahiye.