Hum bade kya hue ye khwaab bhi bde hogye.

Dharamshala

kitne pyaare the na vo bachpan ke din jab sab kuch acha lagta tha . Har din ek naya moka or nya din lagta tha. Na kahin par waaqt se jaane ki chinta hoti thi, na kahi se waqt par vaapis aane ki . Shaayd vahi pal the jo hamne guzaare nahi ,jiye the. 

Sabhi ko bachpan bahut pyara lgta hai . Pr bachpan me ye soch hmesha rehti hai ki hum kb bde honge .Kyunki tab pta nahi hota tha ya yeh keh lo ki samajh nahi hoti hai.

Yaad hai hmare bachpan ki  vo slam book, jisme hmne apne sab vo bde bde  khwaab likhe hote the .

Koi pilot bnna chahta tha, koi scientist to koi super man…. Sach me kitni maasumiyat thi un dino me un chehron me.

Us time kheenchi photos me bhi genuine smiles hoti thi . dost bhi bahut hote the ,or naye dost bnana bhi koi bahut badi rocket science nahi lagti thi. Sabse pyaar milta tha, dulaar milta tha ,or hn chocolates bhi . 

 

Apne doston ke sath waqt bita kar , us mitti me khelkr , baarish ke baad vali keechad me bheeg kar to esa lgta tha ki hmse jyada khush to koi hai hi nahi. Or ghar pahunch kar mummy ki vo pyaar bhari daant .Ghar pahunch kar pure din ki kahaani mummy ko to hmesha btate hi the.

 

 

                                          

 

Bachpan me sab kitna easy tha na ,agr koi acha lge to theek ,nahi to simple katti bol kar baat hi nahi karte the.

Bachhon ke khwaab bhi kya hi kmaal the … unke to kya hi kehne  ek se badh kr ek…

Bachpan me kuch naya jaldi bhi seekh jate the .. appericiation bhi bahut milta tha hamari choti choti achievements par. 

Pr sab kuch constant bhi to nahi rehta zindagi me bde to hote hi hain sab ..

Hn kuch logon ke vo “bachpan ke khwaab “ ho jate hain pure,par har kisi ke to nahi .

Bachapn vale vo sapne us slam book me hi simat kar reh jate hain.

Bade hokar pta chlta hai ki life utni simple hai nahi jitni  stories me lagti thi. Yhaan har baar hmein apni galtiyon pr daant ,or achievements par appericiation nahi milegi.padhai bhi karni pdegi ,skills bhi seekhni pdengi or pesa bhi to kmana pdega. Vrna hum bhi usi bheed ka hissa ban jayenge jise koi nahi janta.

                 

 

 

                                                         

                        

  

Ab to feelings bhi hain, emotions bhi hai, relationships bhi hain or vo sab problems bhi jinka shayad bachpan me to naam tak bhi nahi pta tha. or kuch hai to bas ek Umeed ….ki kabhi to ham bhi kuch na kuch kar hi lenge. Ye nahi to vo sahi ,kyunki yahi to hota aa raha hai or shayd aage bhi hota rhega.

Society ki or duniya ki yahi soch hai ki agar kisi ne kuch bada ya acha kar diya to usi ki izzat hogi usi ka naam hoga.or vese bhi insaan to hai hi vesi cheez ,ab bhla naam or izzat is duniya me kise nahi chahiye.

To fir kya ,chal pde hain sab zindgi se ldne,gahr ko chhod kar family ko chhod kar .

Safar ka to pta hai pr shayad manzil ka nahi. Chlo kam se kam safar me to jee rhein hai kuch log zindgi . or jo safar me suffer kar rhein hain unke  liye bhi kuch acha hi likha hoga upr vaale ne .

Adulting hmein ye realise krwati hai ki sapne dekhte to sab hai par unhe pura karne ki himmat shyad har kisi me nahi hoti. Mushkilein to aayengi hi ya yeh keh lo ki ye hamsafar hain zindgi ka , to raaste do hi hain ya to bhaag lo ,ya  inhe  apna kr chlte raho.

Life hai to chaar Akshar ki par ise smajhne ke liye shayad chaar janm bhi kam hain.hn honge ese bhi din jab tumhe lgega ki koi nahi hai tumhare sath par agr us din ruk gye to aage nahi bdh paoge.Ab zindgi mili hai to ise jeena or swaanrna bhi to hmari hi zimmedari hai na.

Agar galti ho bhi jaye to usse seekho or fir se shuru karo kya ptaagli baar tum kuch bahut acha kar jao. Or khwaab bde hogye to kya honsle or koshishe badi rkho tumhe vo sab milega jo tumne kabhi socha bhi nahi hoga. 

Agar galti ho bhi jaye  to koi baat nahi , usse seekho or fir se shuru karo kya pta agli baar tum kuch bahut acha kar jao. Or khwaab bde hogye to kya honsle or koshishe badi rkho tumhe vo sab milega jo tumne kabhi socha bhi nahi hoga.